Mamerschoulen

Les écoles de Mamer ont fêté leur "Schoulsportdag 2010" le 14 mai 2010 sous un ciel assez couvert. Un grand merci à tous ceux qui ont participé et contribué au plein succès de la manifestation, à savoir la Commission sportive de la Commune de Mamer, l'APECCH, l'APEM, le BBC Mambra, le Dëschtennis Mamer, le FC Mamer 32, le Nordic Walking Mamer, les Pompiers de la Commune de Mamer, le Tri Speed Mamer, et le VC Mamer.

De Freiden, 7. Mee hunn d'Kanner vum Cycle 3 aus eiser Gemeng sech "op der Drëps" fir déi éischt Editioun vun der "Journée de la Nature" afonnt. D'Grondidee vun desem Dag ass, de Kanner déi verschidde Facettë vum Bësch méi no ze bréngen, an hinnen d'Aë fir eis Natur opzemaachen.
Verschidden Ateliere goufen ugebueden:
- Bëschdéiere kenneléieren
- Waasserqualitéit bestëmmen
- Schneide vun Holzstämm an der Scierie Mobile
- Holzstämm transportéiere mat dem Ardenner Päerd
- Holzstämm splécken
- verschidden thematesch Spillatelieren
Zum Schluss kruten d’Kanner e gudden „Ierzebulli“ zerwéiert, deen se sech gudd schmaache gelooss hunn.
D'Journée de la Nature ass organiséiert gi vum "Grupp Sciences" an enker Zesummenaarbecht mam Bannhidder Patrick Konz a mam Fierschter Fabrice Reuland. Ee besonnesche Merci geet u si, an un d'Gemeng Mamer, de Fierschter Georges Fischbach, de Bëscharbeschter, der FSHCL fir d'Mise à Disposition vun hirem Infomobil, an all déi vill engagéiert Leit, déi zum grousse Succès vun deser éischter Editioun bäigedroen hunn.
Fir de „Grupp Sciences“,
Gast Weydert a Guy Lepage

Den 29. an 30. Abrëll 2010 waren de Kannerbuchauteur Patrick Addaï an d'Schauspillerin Waltraud Starck op der Cap an zu Mamer fir de Kanner vum Cycle 2.2 an 3, Geschichten aus Afrika virzeliesen. Mat vill Schwong a Getrommels huet de Patrick Addaï de Kanner seng Wierker virgedroen. D'Kanner ware begeeschtert. Si hu matgeklappt a gedanzt.

D'Kanner aus dem Cycle 1 vun de Mamerschoulen haten gudd gesammelt beim Liichtegoen an der Schoul. Sie hun all des Souen gespent fir e gudd Wierk, nämlech de Paerdsatelier, de Leit déi am Liewen net esou vill Chance haten, hëlleft nes an e bessert Liewen zréckzefannen. D'Gemeng huet och nach eppes bäigeluecht fir dese Projet ze ënnerstëtzen.

Den Ensemble Maurizio Spiridigliozzi huet de Kanner vum Cycle 1 vu Mamer an der Cap eng flott Virstellung gin mam Akkordeon. 200 Kanner hun d'Virstellung gesinn. Jidderen war impressionnéiert an all hu gut matgemaach.
Des Initiativ ass ausgang vun der Commission des Affaires culturelles, dem Cercle culturel communal an de Jeunesses Musicales. Hinnen e grousse Merci.

Den Duo de Guitares "Sangit et Sérgio" huet de Kanner vum 4. Schouljoer vu Mamer an der Cap eng flott Virstellung gin mat verschiddene Guitaren a Rhythmen. D'Kanner an d'Léierpersonal waren begeeschtert an hu gut matgemaach. Des Initiativ ass ausgang vun der Commission des Affaires culturelles, dem Cercle culturel communal an de Jeunesses Musicales. Hinnen e grousse Merci.