En Dënschdeg, 5.12.2023 ass APECH an d'Schoul op Capellen komm an huet all Kand ee Boxemännchen ausgedeelt.
Mir soen der Elternvereenegung vu Capellen-Holzem e grousse Merci fir dee léiwe Geste.
D'Caper Schoulkanner an hiert Léierpersonal hunn e Freideg, 1.12.23, um Mamer Chrëschtmaart e ganz besonnesche Stand gehat.
Si hu faarweg Bännercher verkaaft. D'Léit konnten d'Bännercher direkt un den Dännebeemche strécken an esou ass de Beemchen ëmmer méi faarweg ginn.
Den Erléis geet un den Téléthon Lëtzebuerg.
En Freiden, den 1. Dezember 2023 war héije Besuch an dem Précoce a der Spillschoul vun der Mamer Schoul.
De Kleeschen an den Houseker haten sech ugemellt an goufen vun de Kanner, dem Schoulpersonal an dem Luc Feller, Ed Buchette, Nadine Schmid vun der Mamer Gemeng empfaange.
All Kand krut eng Titchen an eng Foto mam Kleeschen an sengem Gesell.
Merci dem Syndicat d'Initiative et de Tourisme Mamer - Capellen - Holzem.
E Mëttwoch, 29.11.2023 krut all Kand aus der Grondschoul Mamer vun den Elterevereenegung APEM e Boxemännchen.
Ausserdeem huet d'APEM sech et net huele gelooss fir eiser Schoul puer Set'en un Boomwhackers an eng douzend fonkelnei Trottinetten ze iwwerrechen.
Mir soen hinne villmools MERCI fir dee léiwe Geste.
Veuillez trouver an annexe une lettre/information concernant l’accès aux bilans intermédiaires via la plateforme digitale myeduguichet.
De Kleeschen a säi Gesell, den Houseker sinn en Donneschden 30. November 23 an de Precoce an an d'Spillschoul op d'Cap komm wou déi zwee schonn ongedëlleg vun de Kanner erwaart goufen.
Jiddwer Kand huet eng Titche kritt an et gouf eng Foto mam Kleeschen a sengem Gesell gemaach.
E grousse Merci dem Syndicat d'Initiative et de Tourisme vu Mamer, Capellen an Holzem.